Home/Guðrún Brá

Guðrún Brá spilaði á KPMG mótinu um helgina

Guðrún Brá spilaði á KPMG mótinu um helgina en mótið var hluti af mótaröð þeirra bestu. Hún spilaði á 6 höggum yfir pari í mótinu. Hún fékk tólf fugla, tólf skolla og þrjá tvöfalda skolla.

Guðrún endaði í öðru sæti einu höggi á eftir Ragnhildi sem sigraði mótið.

Hér er hægt að skoða skorið í mótinu. 

Frábæru móti lokið hjá Guðrúnu í Sviss

Guðrún Brá spilaði vel í Sviss þar sem hún endaði í 7 sæti eftir að hafa spilað á -1 höggi undir pari í mótinu. Mótið var spilað í Sviss og heitir Lavaux Ladies Championship en það er hluti af Access mótaröðinin.

Hún spilaði hringina á 74,69 og 72 höggum en hún fékk níu fugla, sex skollar og einn tvöfaldur skolli.

Hér er hægt að skoða lokastöðuna. 

Guðrún Brá með frábæran annan hring

Guðrún Brá Björgvinsdóttir spilaði frábært golf á öðrum degi á Lavaux Ladies Championship en mótið er spilað í Sviss.

Hún spilaði annan hringinn á 69 höggum og er samtals á 143 höggum eða á -1 höggi undir pari. Guðrún hefur fengið sex fugla, þrjá skolla og einn tvöfaldan skolla á hringnum.

Guðrún Brá er jöfn í 13 sæti í mótinu.

Hér er hægt að skoða stöðuna á mótinu. 

Guðrún og Valdís spila á Spáni

Guðrún Brá og Valdís Þóra eru að spila á Evrópumótaröðinni en mótið er spilað á Spáni. Þær eru að spila á Sotogrande vellinum sem er með þeim betri á Spáni.

Guðrún Brá spilaði á +2 höggum yfir pari eða á 74 höggum en hún fékk fjóra fugla, fjóra skolla og einn tvöfaldan skolla. Hún er jöfn í 46 sæti eftir hringinn.

Valdís Þóra spilaði hringinn á  78 höggum eða á +6 höggum yfir pari. Hún fékk sex skolla á hringnum og er jöfn í 102 sæti.

Hér er hægt að sjá stöðuna eftir fyrsta hringinn. 

Guðrún Brá hefur lokið leik í Sviss

Guðrún Brá spilaði frábærlega á öðrum hring í Sviss. Hún spilaði annan hringinn á 69 en það var besti hringurinn þann daginn. Hún var jöfn í 7 sæti eftir annan hringinn.

Eftir annan hringinn þá var planið að spila þrjár umferðir af holukeppni en vegna veðurs var ákveðið að spila tvær umferðir. Guðrún brá tapaði í fyrri umferðinni og endar því í 28 sæti í mótinu.

Hér er hægt að lesa um lokaúrslitin,

Hér er hægt að skoða stöðuna eftir annan hringinn. 

Gúðrún Brá með ágætan hring í Sviss

Guðrún Brá spilaði fyrsta hringinn á VP Bank Ladies Open á 74 höggum en mótið er leikið í Sviss og er hluti af LET Access mótaröðinni.

Hún er jöfn í 48 sæti eftir fyrsta hringinn en mótið er þrír hringir. Annar hringurinn er leikinn á morgun laugardag. Guðrún fékk þrjá fugla og fimm skolla á hringnum.

Hér er hægt að sjá stöðuna í mótinu.

Atvinnukylfingar fá styrk úr afrekssjóði Forskots

Nýverið var úthlutað úr Forskoti, afrekssjóði kylfinga, en alls fá sex atvinnukylfingar styrk úr sjóðnum á árinu 2019. Þetta er í áttunda sinn sem íslenskir kylfingar fá úthlutað úr Forskoti afrekssjóði sem var stofnaður árið 2012.

Kylfingarnir eru:

  • Axel Bóasson, Golfklúbbnum Keili.
  • Guðrún Brá Björgvinsdóttir, Golfklúbbnum Keili.
  • Guðmundur Ágúst Kristjánsson, Golfklúbbi Reykjavíkur
  • Haraldur Franklín Magnús, Golfklúbbi Reykjavíkur.
  • Ólafía Þórunn Kristinsdóttir, Golfklúbbi Reykjavíkur.
  • Valdís Þóra Jónsdóttir, Golfklúbbnum Leyni.

Að afrekssjóðnum standa: Eimskip, Valitor, Íslandsbanki, Icelandair Group, Vörður tryggingar, Bláa Lónið og Golfsamband Íslands.

Aðstandendur sjóðsins eru ánægðir með að íslenskt afreksgolf hefur verið í stöðugri framför frá stofnun hans.

Sjóðurinn hefur frá upphafi haft það að markmiði að styðja við þá kylfinga, atvinnumenn sem og áhugamenn, sem stefna á að komast í fremstu röð í heiminum í golfíþróttinni.

Valdís Þóra Jónsdóttir er fædd árið 1989, leikur hún á sterkustu atvinnumótaröð Evrópu, LET Evrópumótaröðinni. Þetta er þriðja tímabil Valdísar á þessari mótaröð.

Ólafía Þórunn Kristinsdóttir er fædd árið 1992. Hún er með takmarkaðan keppnisrétt á LPGA mótaröðinni, sterkustu atvinnumótaröð veraldar, á þessu tímabili. Hún er með keppnisrétt á Symetra mótaröðinni í Bandaríkjunum sem er í næst efsta styrkleikaflokki atvinnumótaraða þar í landi.

Guðrún Brá Björgvinsdóttir er fædd árið 1994. Hún er með keppnisrétt á LET Access mótaröðinni sem er næst sterkasta atvinnumótaröð Evrópu. Þetta er annað tímabil Guðrúnar á þessari mótaröð.

 

Axel Bóasson, Guðmundur Ágúst Kristjánsson og Haraldur Franklín Magnús, leika allir á Nordic Tour atvinnumótaröðinni.

Axel Bóasson er fæddur árið 1990. Hann varð stigameistari á Nordic Tour árið 2017 sem tryggði honum keppnisrétt á Challenge Tour Evrópumótaröðinni á síðasta ári.

Guðmundur Ágúst Kristjánsson er fæddur árið 1992. Hann gerðist atvinnukylfingur árið 2017 eftir að hafa náð góðum árangri í bandaríska háskólagolfinu.

Haraldur Franklín Magnús er fæddur árið 1991. Hann gerðist atvinnukylfingur árið 2017 og náði m.a. að tryggja sér keppnisrétt á Opna breska meistaramótinu í fyrra.

 

 

Um sjóðinn

Forskot afrekssjóður var stofnaður um mitt ár 2012 og þann 14. júní sama ár var í fyrsta sinn úthlutað úr sjóðnum. Stofnendur voru Eimskip, Valitor, Golfsamband Íslands, Íslandsbanki og Icelandair Group. Vörður tryggingar bættist í hópinn árið 2016 og Bláa Lónið árið 2017.

Markmiðið með stofnun Forskots afrekssjóðs árið 2012 var að búa til reynslu og þekkingarbrunn sem skili sér til kylfinga framtíðarinnar og ungir kylfingar geti litið til í sínum framtíðaráætlunum. Sjóðurinn hefur frá upphafi beint sjónum sínum að fimm kylfingum á hverjum tíma og leitast við að gera þeim auðveldara fyrir að æfa og keppa við bestu skilyrði í samræmi við það sem gerist á alþjóðlegum vettvangi.

Frá því að Forskot afrekssjóður var settur á laggirnar hefur slagkrafturinn hjá íslenskum atvinnukylfingum verið enn meiri en áður og samtakamáttur þeirra aðila sem koma að sjóðnum fleytt okkar bestu kylfingum áfram inn á nýjar brautir.

Ríkar kröfur eru gerðar til þessara íþróttamanna um ráðstöfun styrkjanna. Ber þeim að leggja fram æfinga- og keppnisáætlanir auk fjárhagsáætlunar fyrir verkefni sín auk þess sem gerðir eru sérstakir samningar við hvern kylfing um að þeir virði reglur Íþrótta- og Ólympíuhreyfingarinnar.

Þeir kylfingar sem fá úthlutað úr Forskoti afrekssjóði eru sterkar fyrirmyndir. Það að eiga afreksmenn í íþróttum er stór og mikilvægur þáttur í því að fá börn og unglinga til að sinna íþróttum. Því er litið á sjóðinn sem mikilvægt skref til að efla íþróttir barna og unglinga og hvetja þau til dáða.

Einn fulltrúi frá þeim sem aðild eiga að Forskoti er í stjórn sjóðsins og auk þess hefur stjórn sér til ráðgjafar fagteymi sem gerir tillögur um úthlutanir úr sjóðnum.

Guðrún Brá hefur lokið leik á LETAS

Guðrún Brá spilaði í sínu seinasta móti á LETAS á árinu en hún spilaði á Santander Golf Tour LETAS en hún spilaði hringina þrjá á 70, 72 og 78 höggum en hún var í efsta sæti fyrir lokahringinn. Hún fékk 7 fugla, 7 skolla og tvo tvöfalda skolla á hringjunum þremur.

Hún endaði jöfn í 17 sæti í mótinu. Guðrún hefur þá lokið leik á LETAS mótaröðinni en hún endaði í 69 sæti á lokalista mótaraðarinnar.

Næsta mót hjá Guðrúnu er úrtökumótið fyrir Evrópumótaröð kvenna en það mót er spilað 16 til 20 desember.

Hér er hægt að sjá færslu Guðrúnar um mótið.

Guðrún Brá komin á lokastig úrtökumótsins fyrir Evrópumótaröðina

Guðrún Brá lauk í dag leik á fyrsta stigi úrtökumótsins fyrir Evrópumótaröð kvenna. Hún spilaði hringina þrjá á +8 höggum yfir pari en hún endaði í 21 sæti en það voru 36 kylfingar sem komust áfram.  Guðrún spilaði hringina á 75, 76, 71 og 74 höggum. Hún fékk 11 fugla, 14 skolla og einn fimmfaldan skolla á hringjunum fjórum.

Lokastigið fer fram 16 -20 desember en það fer fram í Marokkó. Næsta mót hjá Guðrúnu er loka mótið á Access mótaröðinni en það er í Barcelona um næstu helgi.

Hér er hægt að sjá lokastöðuna á fyrsta stigi úrtökumótsins. 

Hér er færsla frá Guðrúnu Brá um mótið.

Go to Top