Home/Haraldur Franklín

Forskot afreksjóður úthlutar styrkjum til 6 atvinnukylfinga árið 2020

Forskot afreksjóður úthlutar styrkjum til 6 atvinnukylfinga árið 2020

 

Nú hefur verið lokið við úthlutun úr Forskot afrekssjóð kylfinga vegna ársins 2020. Alls fá munu 6 atvinnukylfingar fá styrk úr sjóðnum á árinu 2020 og er þetta 9 árið í röð þar sem íslenskir afrekskylfingar fá úthlutað úr sjóðnum en Forskot afrekssjóður var stofnaður um mitt ár 2012 og þann 14. júní það sama ár var í fyrsta sinn úthlutað úr sjóðnum. Að sjóðnum standa fyrirtækin Eimskip, Valitor, Íslandsbanki, Icelandair Group, Vörður tryggingar, Bláa Lónið og Golfsamband Íslands.
Frá því að Forskot afrekssjóður var settur á laggirnar hefur slagkrafturinn hjá íslenskum atvinnukylfingum verið enn meiri en áður og samtakamáttur þeirra aðila sem koma að sjóðnum fleytt okkar bestu kylfingum áfram inn á nýjar brautir. Ríkar kröfur eru gerðar til þessara íþróttamanna um ráðstöfun styrkjanna. Ber þeim að leggja fram æfinga- og keppnisáætlanir auk fjárhagsáætlunar fyrir verkefni sín auk þess sem gerðir eru sérstakir samningar við hvern afrekskylfing um að þeir virði reglur Íþrótta- og Ólympíuhreyfingarinnar. Þeir kylfingar sem fá úthlutað úr Forskoti afrekssjóði eru sterkar fyrirmyndir. Það að eiga afreksmenn í íþróttum er stór og mikilvægur þáttur í því að fá börn og unglinga til að sinna íþróttum. Því er litið á sjóðinn sem mikilvægt skref til að efla íþróttir barna og unglinga og hvetja þau til dáða.
 Aðstandendur sjóðsins eru virkilega ánægð með hvernig íslenskt afreksgolf hefur verið í stöðugri framför frá stofnun sjóðsins. Sjóðurinn hefur frá upphafi haft það að markmiði að styðja við þá atvinnukylfinga sem stefna á að komast í fremstu röð í golfíþróttinni og eru að stíga sín fyrstu skref í þá átt. Einn fulltrúi frá þeim fyrirtækjum sem aðild eiga að Forskoti er í stjórn sjóðsins og auk þess hefur stjórn sjóðsins sér til ráðgjafar fagteymi sem gerir tillögur um úthlutanir úr sjóðnum.
Kylfingar sem hljóta styrki vegna ársins 2020 eru eftirtaldir
Bjarki Pétursson, Golfklúbbnum Kiðjabergi,
Guðmundur Ágúst Kristjánsson, Golfklúbbi Reykjavíkur,
Guðrún Brá Björgvinsdóttir, Golfklúbbnum Keili,
Haraldur Franklín Magnús, Golfklúbbi Reykjavíkur,
Ólafía Þórunn Kristinsdóttir, Golfklúbbi Reykjavíkur,
Valdís Þóra Jónsdóttir, Golfklúbbnum Leyni
Bjarki Pétursson er fæddur 1994.  Bjarki gerðist atvinnumaður á 2019. Hann
komst inn á lokastig úrtökumótsins fyrir Evrópumótaröðina  2019 og náði að tryggja sér
þátttökurétt á Nordic Tour á árinu 2020.
Guðmundur Ágúst Kristjánsson er fæddur árið 1992. Guðmundur gerðist
atvinnukylfingur árið 2017 eftir að hafa náð góðum árangri í bandaríska
háskólagolfinu og er með fullan þátttökurétt á Áskorendamótaröð Evrópu á árinu 2020 eftir að
hafa sigrað þríveigis á síðasta ári á Nordic Tour mótaröðinni.
Guðrún Brá Björgvinsdóttir, er fædd árið 1994. Guðrún er með fullan keppnisrétt á
LET Access mótaröðinni sem er næst sterkasta atvinnumótaröð Evrópu. Og mun gera atlögu að
Evrópumótaröðinni í úrtökumóti nú í janúar.
Haraldur Franklín Magnús er fæddur árið 1991. Haraldur gerðist atvinnukylfingur
árið 2017 og lék á Nordic Tour mótaröðinni þar sem hann endaði í fjórða sæti í fyrra og
með þeim árangri tryggði hann sér fullan þátttökurétt á Áskorendamótaröð Evrópu.
Ólafía Þórunn Kristinsdóttir, er fædd árið 1992. Ólafía er með takmarkaðan
keppnisrétt á LPGA mótaröðinni, sterkustu atvinnumótaröð veraldar á þessu
tímabili. Ólafía er með keppnisrétt á Symetra mótaröðinni í Bandaríkjunum sem
er í næst efsta styrkleikaflokki atvinnumótaraða þar í landi.
Valdís Þóra Jónsdóttir, er fædd árið 1989, leikur hún á sterkustu
atvinnumótaröð Evrópu, LET Evrópumótaröðinni. Þetta er fjórða tímabil Valdísar
á þessari mótaröð og er þar með nánast ótakmarkaðan keppnisrétt.

 

Við óskum þessum frábæru afrekskylfingum alls hins besta á árinu 2020 um leið og við þökkum þeim frábæru fyrirtækjum sem styðja okkar fremstu afrekskylfinga  í gegnum sjóðinn.

Haraldur og Axel með á lokamóti ársins á Nordic

Haraldur Franklín og Axel eru meðal keppanda á lokamóti Nordic mótaraðarinnar en kylfingar fengu að vita fyrr í þessari viku að þeir sem eru í topp 5 eftir mótið munu fá keppnisrétt á Challenge mótaröðinni en 2017 var regla sett um það að þegar ef kylfingar vinna 3 mót yfir árið telji inn í þessum efstu 5 sætum sem gerði það að verkum að í ár hefðu  þetta verið efstu 3  en þar sem þessar fréttir taka út þennan lið þá er orðið öruggt að Haraldur Fanklín er kominn með þátttökurétt æa Challenge mótaröðinni.

Haraldur er í toppbaráttunni á lokamótinu en hann er sem stendur jafn í 5 sæti á -14 höggum undir pari en Axel er jafn í 14 sæti en hann er á -10 höggum undir pari.

Þeir eru komnir á seinni níu holurnar á lokahringnum en hér er hægt að skoða stöðuna. 

 

Strákarnir allir áfram í Danmörku

Axel, Guðmundur og Haraldur eru allir að keppa á Race to Himmerland í Danmörku.

Mótið er það næst síðasta á keppnistímabilinu á Nordic mótaröðinni. Það er mikil spenna um hvort Haraldur Franklín nái að vinna sér inn þáttökurétt á Challenge mótaröðinni. Sem stendur er Haraldur í fjórða sæti stigalistans en hann þarf að vera meðal efstu 5 til þess að vinna sér inn þátttökurétt. Haraldur er að keppa mest við Nicolai Buchwardt Kristensen en hann er jafn Haraldi fyrir lokahringinn.

Haraldur og Guðmundur eru jafnir í 9 sæti á Race to Himmerland en síðasti hringurinn verður spilaður á morgun sunnudag.  Þeir eru á -7 höggum undir pari en eru 6 höggum á eftir efsta manni.

Axel er jafn í 28 sæti en hann á -3 höggum undir pari fyrir morgun daginn.

Hér er hægt að fylgjast með stöðunni

 

Haraldur Franklín í toppbaráttunni

Haraldur Franklín er einu höggi á eftir efsta sætinu á Lindbytvätten Masters en hann er á -12 höggum undir pari eftir fyrstu tvo hringina.

Það er einn hringur eftir af mótinu og Haraldur er búinn að fá einn örn, tólf fugla og tvo skolla.

Axel Bóasson komst ekki í gengum niðurskurðinn en hann var 2 höggum frá því að komast í gegnum niðurskurðinn.

Hér er hægt að skoða stöðuna í mótinu. 

Haraldur Franklín ofarlega í Finlandi

Haraldur Franklín og Axel eru við keppni á Timberwise Finnish Open en mótið er hluti af Nordic mótaröðinni.

Haraldur spilaði fyrstu tvo hringina á fjórum höggum undir pari en hann er jafn í 10 sæti fyrir lokahringinn. Hann hefur fengið tíu fugla og sex skolla á hringjunum tveimur en hann er á -4 höggum undir pari.

Axel spilaði hringina tvo á +6 höggum yfir pari en hann komst ekki í gegnum niðurskurðinn.

Hér er hægt að skoða stöðuna í mótinu.

 

Haraldur og Axel spiluðu í Danmörku

Haraldur Frnaklín og Axel Bóasson spiluðu á Esbjerg Open og spilaði Haraldur frábærlega. Haraldur endaði mótið á +1 höggi yfir pari og endaði einn í 3 sæti.

Haraldur fékk einn örn, sjö fugla og tíu skollar á hringjunum þremur. Með þessu þá er Haraldur kominn upp í 6. sætið á stigalista Nordc mótaraðarinnar en efstu 5 sætin gefa sæti á challenge mótaröðinni.

Axel spilaði ágætlega en hann endaði á +12 höggum yfir pari í 32 sæti. Hann fékk sex fugla, tíu skolla, einn tvöfaldan skolla og tvo þrefalda skolla.

Hér er hægt að skoða lokastöðuna í mótinu.  

Axel, Guðmundur Ágúst, Guðrún Brá og Haraldur öll með á Íslandsmótinu í golfi

Það taka fjórir Forskotskylfingar þátt í Íslandsmótinu í golfi. Mótið er haldið á Grafarholtsvelli og hefst það á fimmtudaginn. Axel og Guðrún Brá eiga titil að verja en mikið er af sterkum kylfingum í mótinu.

Hér er hægt að sjá frétt Stöðvar 2 um mótið. 

Hér fyrir neðan má sjá rástíma Forskotskylfinganna.

Axel – 15:30

Guðmundur Ágúst – 15:40

Guðrún Brá 9:40

Haraldur Franklín – 15:30

Mikill fuglasöngur hjá Haraldi Franklín

Haraldur Franklín endaði jafn í 6 sæti á Braviken Open. Hann spilaði á -18 höggum undir pari á þremur hringjum. Það var frábært skor í mótinu og vannst mótið á 23 höggum undir pari.

Haraldur fékk einn örn, tuttugu fugla og fjóra skolla á hringjunum þremur.

Hér er hægt að skoða lokastöðuna í mótinu. 

Haraldur í toppbaráttunni í Svíþjóð

Haraldur Franklín er í toppbaráttunni á Braviken Open en hann spilaði fyrstu tvo hringina á -13 höggum undir pari og var jafn í þriðja sæti fyrir lokahringinn. Lokahringurinn hófst í morgun og sem stendur er Haraldur jafn í fjórða sæti. Hann er á -17 höggum undir pari þegar það eru 9 holur eftir af mótinu.

Hér er hægt að skoða stöðuna í mótinu.

Haraldur Franklín efstur fyrir lokahringinn – Axel 3 höggum á eftir

Það er sannkallaður Forskots slagur í Svíþjóð þar sem Haraldur Franklín og Axel keppast um sigurinn á Camfil Nordic Championship mótinu en Haraldur Franklín er í efsta sæti á 10 höggum undir pari en hann lék annan hringinn á 3 höggum undir pari.  Hann fékk sjö fugla og fjóra skolla á hringnum í dag en hann er með 2 högga forystu á næsta kylfing.

Axel Bóasson flaug upp töfluna í dag þegar hann spilaði á 66 höggum eða á -6 höggum undir pari en hann er á -7 höggum undir par eftir hringina tvo.

Það verður því mikil spenna á lokahringnum en þeir hefja leik um klukkan 8 á íslenskum tíma.

Hér er hægt að fylgjast með stöðunni.  

Go to Top