Home/Valdís Þóra

Valdís Þóra búin með fyrsta hringinn í Marokkó

Valdís Þóra spilaði í dag fyrsta hringinn á Lalla Meryem Cup í Marokkó. Hún spilaði hringinn á 76 höggum eða á 3 höggum yfir pari.

Hún lék fyrri 9 holurnar á -1 höggi undir pari en síðari 9 holurnar á 4 höggum yfir pari. Valdís fékk tvo fugla þrjá skolla og einn tvöfaldan skolla á hringnum.

Valdís er jöfn í 62 sæti eftir fyrsta hringinn en næsti hringur er leikinn á morgun föstudag.

Hér er hægt að skoða stöðuna í mótinu. 

Atvinnukylfingar fá styrk úr afrekssjóði Forskots

Nýverið var úthlutað úr Forskoti, afrekssjóði kylfinga, en alls fá sex atvinnukylfingar styrk úr sjóðnum á árinu 2019. Þetta er í áttunda sinn sem íslenskir kylfingar fá úthlutað úr Forskoti afrekssjóði sem var stofnaður árið 2012.

Kylfingarnir eru:

  • Axel Bóasson, Golfklúbbnum Keili.
  • Guðrún Brá Björgvinsdóttir, Golfklúbbnum Keili.
  • Guðmundur Ágúst Kristjánsson, Golfklúbbi Reykjavíkur
  • Haraldur Franklín Magnús, Golfklúbbi Reykjavíkur.
  • Ólafía Þórunn Kristinsdóttir, Golfklúbbi Reykjavíkur.
  • Valdís Þóra Jónsdóttir, Golfklúbbnum Leyni.

Að afrekssjóðnum standa: Eimskip, Valitor, Íslandsbanki, Icelandair Group, Vörður tryggingar, Bláa Lónið og Golfsamband Íslands.

Aðstandendur sjóðsins eru ánægðir með að íslenskt afreksgolf hefur verið í stöðugri framför frá stofnun hans.

Sjóðurinn hefur frá upphafi haft það að markmiði að styðja við þá kylfinga, atvinnumenn sem og áhugamenn, sem stefna á að komast í fremstu röð í heiminum í golfíþróttinni.

Valdís Þóra Jónsdóttir er fædd árið 1989, leikur hún á sterkustu atvinnumótaröð Evrópu, LET Evrópumótaröðinni. Þetta er þriðja tímabil Valdísar á þessari mótaröð.

Ólafía Þórunn Kristinsdóttir er fædd árið 1992. Hún er með takmarkaðan keppnisrétt á LPGA mótaröðinni, sterkustu atvinnumótaröð veraldar, á þessu tímabili. Hún er með keppnisrétt á Symetra mótaröðinni í Bandaríkjunum sem er í næst efsta styrkleikaflokki atvinnumótaraða þar í landi.

Guðrún Brá Björgvinsdóttir er fædd árið 1994. Hún er með keppnisrétt á LET Access mótaröðinni sem er næst sterkasta atvinnumótaröð Evrópu. Þetta er annað tímabil Guðrúnar á þessari mótaröð.

 

Axel Bóasson, Guðmundur Ágúst Kristjánsson og Haraldur Franklín Magnús, leika allir á Nordic Tour atvinnumótaröðinni.

Axel Bóasson er fæddur árið 1990. Hann varð stigameistari á Nordic Tour árið 2017 sem tryggði honum keppnisrétt á Challenge Tour Evrópumótaröðinni á síðasta ári.

Guðmundur Ágúst Kristjánsson er fæddur árið 1992. Hann gerðist atvinnukylfingur árið 2017 eftir að hafa náð góðum árangri í bandaríska háskólagolfinu.

Haraldur Franklín Magnús er fæddur árið 1991. Hann gerðist atvinnukylfingur árið 2017 og náði m.a. að tryggja sér keppnisrétt á Opna breska meistaramótinu í fyrra.

 

 

Um sjóðinn

Forskot afrekssjóður var stofnaður um mitt ár 2012 og þann 14. júní sama ár var í fyrsta sinn úthlutað úr sjóðnum. Stofnendur voru Eimskip, Valitor, Golfsamband Íslands, Íslandsbanki og Icelandair Group. Vörður tryggingar bættist í hópinn árið 2016 og Bláa Lónið árið 2017.

Markmiðið með stofnun Forskots afrekssjóðs árið 2012 var að búa til reynslu og þekkingarbrunn sem skili sér til kylfinga framtíðarinnar og ungir kylfingar geti litið til í sínum framtíðaráætlunum. Sjóðurinn hefur frá upphafi beint sjónum sínum að fimm kylfingum á hverjum tíma og leitast við að gera þeim auðveldara fyrir að æfa og keppa við bestu skilyrði í samræmi við það sem gerist á alþjóðlegum vettvangi.

Frá því að Forskot afrekssjóður var settur á laggirnar hefur slagkrafturinn hjá íslenskum atvinnukylfingum verið enn meiri en áður og samtakamáttur þeirra aðila sem koma að sjóðnum fleytt okkar bestu kylfingum áfram inn á nýjar brautir.

Ríkar kröfur eru gerðar til þessara íþróttamanna um ráðstöfun styrkjanna. Ber þeim að leggja fram æfinga- og keppnisáætlanir auk fjárhagsáætlunar fyrir verkefni sín auk þess sem gerðir eru sérstakir samningar við hvern kylfing um að þeir virði reglur Íþrótta- og Ólympíuhreyfingarinnar.

Þeir kylfingar sem fá úthlutað úr Forskoti afrekssjóði eru sterkar fyrirmyndir. Það að eiga afreksmenn í íþróttum er stór og mikilvægur þáttur í því að fá börn og unglinga til að sinna íþróttum. Því er litið á sjóðinn sem mikilvægt skref til að efla íþróttir barna og unglinga og hvetja þau til dáða.

Einn fulltrúi frá þeim sem aðild eiga að Forskoti er í stjórn sjóðsins og auk þess hefur stjórn sér til ráðgjafar fagteymi sem gerir tillögur um úthlutanir úr sjóðnum.

Valdís í topp baráttunni fyrir lokahringinn í Ástralíu

Valdís Þóra er jöfn í þriðja sæti þegar það er einn hringur efttir á NSW Open í Ástralíu. Mótið er hluti af Evrópumótaröð kvenna.

Hún spilaði þriðja hringinn á +1 höggi yfir pari en hún fékk þrjá fugla og fjóra skolla á hringnum.

Hún er tveimur höggum á eftir efstu kylfingum en lokahringurinn er leikinn í nótt á íslenskum tíma.

Hér er hægt að skoða stöðuna í mótinu. 

Frábær hringur hjá Valdísi – 5 högga forysta á Evrópumótaröð kvenna

Valdís Þóra Jónsdóttir spilaði frábærlega á fyrta hringnum á NSW Open en mótið er hluti af Evrópumótaröðinni. Hún spilaði á 63 höggum eða á -8 höggum undir pari. Hún er byrjuð á öðrum hring en hun er sem stendur -2 höggum undir pari eftir níu holur.

Valdís fékk einn örn, sjö fugla og einn skolla á fyrsta hringnum. Á öðrum hringnum er hún komin með einn örn, tvo fugla og tvo skolla.

Valdís er sem stendur með fimm högga forystu.

Hér er hægt að sjá stöðuna í mótinu. 

Valdís komst ekki í gegnum niðurskurðinn á ActewAGL

Valdís Þóra spilaði fyrstu tvo hringina á ActewAGL Canberra Classic mótinu en mótið er hluti af Evrópumotaröð kvenna. Hún spilaði hringina á +6 höggum yfir pari eða 73 og 75 höggum. Hún fékk fjóra fugla, átta skolla og einn tvöfaldan skolla.

Næsta mót hjá Valdísi er  Women’s NSW Open en það hefst á fimmtudaginn næsta.

 

Valdís 2 höggum frá niðurskurðinum í Ástralíu

Valdís Þóra spilaði fyrstu tvo hringina á  The Pacific Bay Resort Australian Ladies Classic á 79 og 74 höggum.

Á fyrri hringnum fékk hún tvo fugla, fimm skolla og einn fjórfaldan skolla en það var á loka holunni.

Á öðrum hringnum fékk hún þrjá fugla, einn skolla og tvo tvöfalda skolla.

Hún endaði mótið á +9 höggum yfir pari og missti niðurskurðinn með tveimur höggum.

Hér er hægt að sjá twitter færslu Valdísar eftir fyrsta hringinn.

Valdís hefur hafið leik á öðrum hring í Ástralíu

Valdís Þóra er að spila á ISPS Handa í Ástralíu en mótið er hluti af LPGA og LET. Hún spilaði fyrsta hringinn á 72 höggum eða á pari vallarins.

Hún er búin með 8 holur á öðrum hring. niðurskurðurinn er þessa stundina við -1 högg undir par en Valdís er á +1 eftir 8 holur.

Hún fékk tvöfaldan skolla á fyrstu holu dagsins en síðan fékk hún fugl á þeirri sjöundu.

Hér er hægt að sjá stöðuna í mótinu. 

Valdís fær þátttökurétt á áströlsku mótaröðinni

Valdís Þóra er komin með þátttökurétt á áströlsku mótaröðinni en hún spilaði lokahringinn á úrtökumótinu á 74 höggum en hún endaði í 16 sæti á mótinu. Hún þurfti að vera í topp 20 til þess að fá þátttökurétt á mótaröðinni.

Með þessu getur hún tekið þátt í öllum mótunum á ALPG mótaröðinni.

Hér er hægt að skoða lokastöðuna í mótinu. 

Valdís Þóra í góðri stöðu fyrir lokahringinn í Ástralíu

Valdís Þóra er í góðri stöðu fyrir lokahringinn á úrtökumótinu fyrir Ástölsku mótaröðina. Hún spilaði fyrstu tvo hringina á 73 og 72 höggum eða á +1 höggi yfir pari. Hún er jöfn í 10 sæti en það eru efstu 20 kylfingarnir  sem fá þáttökurétt á mótaröðinni. Mótið er spilað á  Ballarat Golf Club en það er rétt fyrir utan Melbourne.

Með góðri spilamennksu er hægt að fá boð á mót sem eru hluti af Evrópsku eða LPGA mótaröðinni þannig að það er að miklu að keppa fyrir Valdísi.
02:50

Hún hefur leik á þriðja og lokahringnum klukkan 13:50 á áströlskum tíma en það er klukkan  2:50 aðfaranótt miðvikudagsins.

 

 

Valdís lauk leik í Dubai – hitti hinn eina sanna “Svarta Riddara”

Valdís Þóra spilaði á Fatima Bint Mubarak Ladies Open í Dubai en hún spilaðo á 14 höggum yfir pari eða á 78, 79 og 73 höggum. Valdís spilaði best á loka hringnum en hún fékk þrjá fugla og fjóra skolla á loka hringnum.

Hún endaði jöfn í 49 sæti en næst mun hún spila á úrtökumóti fyrir áströlskumótaröðina.

Hér er hægt að sjá lokaniðurstöðuna.

Valdís hitti stór kylfinginn Gary Player en hann er einnig þekktur sem The Black Knight eða Svarti Riddarinn. Hér fyrir neðan er hægt að lesa pistil sem hún skrifaði eftir mótið.

Go to Top